coins4iraq مدير المنتدى
عدد المساهمات : 209 نقاط : 541 تاريخ التسجيل : 23/01/2010
| موضوع: روحي / مظفر النواب الخميس 10 فبراير 2011 - 3:47 | |
| روحــي مظفر النواب روحي .. ولا تكـَلها اشبيج ، وانته الماي : مكـَطوعه مثل خيط السمج روحي . حلاوة ليل محروكـَه حركـَ روحي . وعتبها اهواي ما يخلص عتب روحي . و لا مريت ، ولا نشديت ، ولا حنيت . وكـَالولي عليك اهواي ياثلج اللي ما وجيت .
وعودان العمر كلهن كـَضن ويّاك . يا فيّ النبع واطعم : عطش صبير ولا فركـَاكـَ . تعال بحلم واحسبها الك جيّه واكـَولن جيت . ودخول السنة من الكـَاك يا ثلج اللي ما وجيت . ولا استخطيت ولا وعديت ولاطارش جذب وديت ، ولامره شلت عينك تعرف البيت . ولامريت ، ولا نشديت ، ولا حنيت . وكـَالولي عليك اهواي يا ثلج اللي ما وجيت .
عُـمر وتعدّه التلاثين ، لا يفلان : عُـمر وتعدّه وتعدّيت ، لا يفلان . واغمّض عود ، أجيسك ياترف : تاخذني زخة لوم . وأكـَلك ليش وازيت العمر يفلان ، يفلان العمر يشكـَر ، ولك يفلان . ورحت براي ، وجيت براي : حسبالي سنة وسنتين وتلاثة ، وأشوفك ذاك البكـَلبي وأضوكـَك ماي .
ولامريت ، ولانشديت ، ولا حنيت . وكـَالولي عليك اهواي يا ثلج اللي ما وجيت ---------------------- | |
|
Omar عضو فضي
عدد المساهمات : 54 نقاط : 61 تاريخ التسجيل : 27/01/2010
| موضوع: رد: روحي / مظفر النواب الخميس 10 فبراير 2011 - 15:07 | |
| عاشت ايدك اخي الكريم شعر شعبي عراقي رائع | |
|
Abo Daham عضو نشيط
عدد المساهمات : 41 نقاط : 83 تاريخ التسجيل : 26/02/2011
| موضوع: رد: روحي / مظفر النواب الأربعاء 6 أبريل 2011 - 13:16 | |
| شكرا اخي الكريم قصيدة رائعة من الشعر الشعبي العراقي للشاعر الكبير مظفر النواب | |
|